జయన్న కేఫేలో రెండో రోజు.

డాలోడు..

మహిని కలవడానికి నేను రోజూ సాయంత్రం కేఫేకి వెళ్ళేవాడిని..మహి మెడికల్ షాప్ లో బిజీ కావడంతో చెప్పిన టైముకి ఒక అరగంటో..గంటో..ఆలస్యంగా వచ్చేవాడు..
నేనొక్కడినే కూర్చుని పేపర్ చదువుతూ ఉండేవాడిని..అప్పుడు పరిచయమయ్యాడు సుధాకర్ ..
బక్క శరీరం , చెదిరిన జుట్టు.. నడకలో తేడ..కళ్ళల్లో నిర్లక్ష్యం..కలిపితే సుధాకర్.
సుధాకర్: ఏమి చేస్తుంతావ్?సిగిరెట్ వెలిగిస్తూ అడిగాడు.
నేను: b.tech 2nd year..mech.
సిగిరెట్ ఆఫర్ చేసాడు..నో థాంక్స్..అన్నాను

సుధాకర్ : నేను b.tech 2nd year..civil engg..
hyd lo c.b.i.t తెలుసా?
నేను: హా తెలుసు..
సుధాకర్: అందులో..

నేను: ఓహ్  అవునా..నా ఫ్రెండ్ కూడా c.b.i.t లోనే civil engg 2nd year..పేరు సంజీవ్ ..
సుధాకర్: తను నా జూనియర్..

నేను: అదేంటి.మీరు 2nd year కదా ?

సుధాకర్: అవును..లాస్ట్ ఇయర్ discontinue చేసాను ..
నాకు ఎక్కడో చిన్న డౌట్ వచ్చింది.కాని అతను చాలా  నిజాయుతిగా చెప్తున్నాడు..
నేను: కొంచెం బాధపడి......ఓహ్..అవునా? ఏమైంది?
సుధాకర్: విరక్తి నవ్వు నవ్వి..చిన్న లవ్ affair అన్నాడు..
నేను : మొదటి పరిచయంలోనే అన్ని నాతొ చెప్తున్నాదేంటి?అని సందేహంలో ఉన్నాను..తను కంటిన్యూ చేసాడు..
సుధాకర్: ఫస్ట్ ఇయర్ లో పరిచయమైంది..తన పేరు సుశ్రుత[?]
ఇద్దరం లవ్ చేసుకున్నాం.వాళ్ళ ఇంట్లో వాళ్లకి ఇష్టం లేదు..తనకి వేరే సంబందాలు చూస్తుంటే..లేచిపోయాం
[అయ్యా బాబొయు..నా ఊత పదం...నేను షాక్ అయ్యాను..నా లైఫ్ లో లేచిపోయున వ్యక్తి తో మాట్లాడటం అదే ఫస్ట్ టైం]

సుధాకర్: మంత్రాలయం వెళ్లి పెళ్లి కూడా చేసుకున్నాం..
నాకు షాకింగ్ గా ఉంది..ఈ బక్కోడు ఒక అమ్మయుని లేపుకెల్లి పెళ్లి చేసుకున్నాడ?ఓహ్ దేవుడా..
సుధాకర్: చాల మాములుగా సిగిరెట్ కాలుస్తూ ..తర్వాత హైదరాబాద్ వెళ్ళాం..సుశ్రుతాని వాళ్ళింట్లో దించాను..

అంతా కొత్తగా ఉంది..అప్పుడు నా వయస్సు 19 yrs..అప్పటివరకు మా batch లో ప్రేమించిన వాళ్ళు ఇద్దరో ముగ్గురో ...వాళ్లనే వింతగా చూసేవాడిని....
ఇలా లేచిపోయు పెళ్లి చేసుకోన్న వాళ్ళ గురించి వినడమే గాని ఎప్పుడు చూడలేదు.

అందుకే అతన్ని చూస్తూ ఉన్నాను..
ఒకమ్మాయు అన్నీ వదిలి అతనితో వెళ్లిందంటే అతనిలో ఏదో speciality ఉంటుంది. అదేంటా అని ఆలోచిస్తున్నాను..

సుధాకర్: పెద్ద గొడవయుంది..వాళ్ళ నాన్న గుండాలతో..నన్ను కొట్టించాడు..
తరువాత పోలీసు కేసు పెట్టారు..నన్ను జైల్లో వేసారు..
నేను: అయ్యా బాబొయు..
సుధాకర్: కలెక్టర్ తెలుసు కదా?అదే మన నెల్లూరు కలెక్టర్ ..ఆయన మా బాబాయు..ఆయనే విడిపించారు..
తర్వాత మా నాన్నగారు భయపడి నన్ను ఇక్కడికి తీసుకొచ్చేసారు..

తాగుతున్న సిగిరెట్ పడేసి మళ్ళి వెంటనే ఇంకోటి వెలిగించాడు..

నాకైతే అతనితో ఎం మాట్లాడాలో అర్థం కావట్లేదు..
వాళ్ళ బాబాయు కలెక్టర్ ..బాగా  డబ్బున్నవాడు కావొచ్చు..అంతే..
అతనిలో మాత్రం ఏ స్పెషాలిటి లేదు..infact తను రోగిష్తి వాడిలా ఉన్నాడు..లవ్ లో ఫెయిల్ అయ్యాక ఇలా అయ్యాడ?

సుధాకర్:మళ్లీ విరక్తిగా నవ్వి ..ఏంటలా చూస్తున్నావ్?అన్నాడు..
కొంత మందికి ఇలాంటి వాళ్ళు చాల గొప్ప.
నేను అదే ఆలోచిస్తున్నాను..ఇతను గ్రేటా ?కాదా ..?

ఇంతలో మహి వచ్చాడు..నేను గమనించే పరిస్థితిలో లేను..
దగ్గరికి వచ్చి తట్టాడు..
సుధాకర్, మహిని పలకరించాడు ..మహి చిన్న నవ్వు నవ్వి ఊరుకున్నాడు..
అక్కడ చైర్ వేస్తున్న సుబ్బుతో దూరంగా వెయ్యమని చెప్పాడు..
నేను సుధాకర్ కి బై చెప్పి ...వెళ్లి మహితో కూర్చుని సిగిరెట్ వెలిగించాను..మనసంతా ఏదోలా ఉంది..సుధాకర్ నే చూస్తున్నాను..

అది గమనించి మహి ..ఏంట్రా అలా ఉన్నావ్ ?అన్నాడు..
నేను చెప్పాలా? వద్దా? అని ఆలోచించలేదు..ఎందుకంటే అడిగింది మహి ..

సుధాకర్ నాతొ చెప్పిన అతని స్టోరీని shortcut లో చెప్పి బాధపడుతుంటే..మహి చిన్నగా నవ్వి నా వైపు జాలిగా చూసాడు..
అరేయ్ నువ్వంత ఫీల్ అవ్వకు..
వాడికి ఇంకో పేరు ఉంది ఇక్కడ తెలుసా?
?????????
డాలోడు..చెప్పాడు మహి.

అవునురా మేమంతా అలానే పిలుస్తాం ...
వాడు చెప్పేవాన్ని అబద్ధాలే..
వాడి ఉద్దేశం తనను అందరు గొప్పగా అనుకోవాలని అంతే..మోసం చెయ్యాలని కాదు..
అంటే..ఇప్పటి వరకు తను చెప్పింది అభద్దమా?ఇదో కొత్త షాక్ నాకు.
డౌట? కొత్తల్లో నాకు ఇలాంటి  కథలు చాల చెప్పాడు..నెల్లూరు జిల్లాకి ఎ కలెక్టర్ వచ్చినా మా బాబాయ్ అనో పెదనాన్న అనో చెప్తాడు..నీకు చెప్పే ఉంటాడే..
హా..అవును..
సంభందం లేకుండా మాట్లాడతాడు..కావలిలో రుపాయు మిద్దె [బాగా ఫేమస్ ] మాదే అంటాడు..మా మామయ్య కి ratan tata బాగా క్లోజ్ అని,మా అన్నయ్య us లో senator అని  ఒకటి కాదులేరా..చెప్తున్నాడు మహి.
నేను షాక్ లో ఉన్నాను..సుధాకర్ వైపు చూసాను..ఎవరినో కూర్చోబెట్టుకొని ఏదో చెప్తున్నాడు..
నాకు చెప్పిన కథో..లేక కొత్తదో..

మా ఊరిలో ఇలా అబద్ధపు  కథలు చెప్పటాన్ని డాల్ వేస్తున్నాడు అని ,చెప్పేవాడిని  డాలోడు అంటారని ఆ రోజే జయన్న కేఫ్ లో తెలుసుకున్నాను..